|
[ heim | ný færsla ] Gleðileg jól! Tue Dec 23 16:06:08 2003
Óska öllum landsmönnum, vinum, kunningjum, fjölskyldu nær og fjær gleðilegra jóla. Þeir sem ekki fá jólakort verið ekki sár því ég hugsa samt til ykkar.. Alveg koma jólakveðjurnar í útvarpinu mér í rétta skapið. Sjáumst um jólin, HH [ bókamerkja færsluna | breyta ]
Kominn á Klakann - Rás 2
Hæ allir, kom til Íslands í nótt frá Austurríki með 6 tíma stoppi á troðfullum Stansted flugvelli.. Vaknaði svo í morgun við að heyra jólalagið mitt spilað á Rás 2. Þannig er að pabbi minn hringdi í mig í síðustu viku og sagði mér að Rás 2 stæði fyrir keppni um jólalag Rásar 2, hann spurði mig hvort hann mætti ekki setja lagið mitt í keppnina og mér fannst það bara allt í lagi... Þetta lag samdi ég í byrjun desember 2002 í mandarínuvímu og gamalkunnri tilfinningu úr barnæsku, þrá eftir jólunum. Þann 17. des. 2002 tók ég lagið upp með félögum mínum í Graz í stúdíói Tónlistarháskólans. Nú er lagið komið í 6 laga úrslit þessarar keppni og má hlusta á það hér: þarna er líka hægt að greiða atkvæði í keppninni. Einnig er hægt að greiða atkvæði á Textavarpinu, síðu 255 með því að senda sms á ákv. símanúmer. Á föstudag er síðan hægt að fylgjast nánar með keppninni og hringja inn atkvæði sitt.. Ég hef reyndar ákveðnar hugmyndir um kosningu af þessu tagi, sem eru mér ekki endilega í hag.. en hvað um það, lagið fær góða kynningu. Ég er ánægður. Hafiði það gott, Helgi Hrafn [ bókamerkja færsluna | breyta ]
We Kiss in a Shadow
Halló allir, henti inn lagi sem ég spilaði með í á tónleikum í Graz í sumar. Þarna er vinkona mín Marina Zettl í aðalhlutverki. Lagið heitir "We Kiss in a Shadow" og er alveg gullfallegt; eftir Rodgers/Hammerstein.. Þetta var í júní á góðgerðartónleikum í Stefaniensaal, sem er einn stærsti tónleikasalurinn hérna. Fullt af fólki og mjög gaman. Marina hringdi í mig deginum áður og bað mig að spila yfir þetta lag með sér. Endilega hlustiði á þetta; til dæmis í baði eða eitthvað: með kveðju, Helgi Hrafn [ bókamerkja færsluna | breyta ]
Kæru vinir, ég er farinn til eyjunnar "Hvar".. í Króatíu. Við keyrum þetta ég og Klemens og vinkona hans Birgit, í nótt. Verðum komin til Split einhverntíma í fyrramálið og tökum ferju til Hvar. hér getið þið skoðað myndir af dýrðinni: kveðja, Helgi Hrafn [ bókamerkja færsluna | breyta ]
Reportage..
Kæru vinir, ég sit í Vín í íbúð góðvinar míns, Joe Jabbour. Það er u.þ.b. hálft ár síðan ég skrifaði síðast í vefdagbókina þannig að ég held að það sé kominn tími til að byrja aftur. Það hefur drifið margt á daga mína síðan í desember. Til dæmis hef ég spilað um 32 Tónleika, spilað inn á tvo geisladiska, samið um 8 lög, kynnst ógrynni af nýju og skemmtilegu fólki, verið hamingjusamur og óhamingjusamur, verið á Íslandi, Austurríki, Danmörku, Króatíu, Serbíu, Slóveníu.. Og núna er ég staddur í Vín í eina viku til að taka þátt í Leiklistarsýningum í Frönsku Menningarmiðstöðinni í Vín. Frumsýningin er í dag. Fyrir hlé er flutt óperan La Voix Humaine, eftir Poulanc við texta Jean Coucteau í nýstárlegri útfærslu, og eftir hlé er flutt ný leikgerð við texta og ljóð Coucteau. Ég var beðinn að taka þátt í flutningnum með tveimur stuttum verkum eftir mig sem ég spila á básúnu og syng að hluta til. Ég bý í íbúð Joe Jabbour en hann er einn af þeim snillingum sem ég hef verið svo heppinn að kynnast að undanförnu. Hann er upptökumaðurinn minn; á stúdíó og mun taka upp næsta disk Beefolk og auk þess mun hann vinna með mér að fyrsta disknum mínum með nýju prójekti sem ég segi ykkur síðar frá. Og nú er ég farinn, kveðja, Helgi Hrafn [ bókamerkja færsluna | breyta ]
Skritinn dagur
Hallo allir, i dag fekk eg simhringingu fra einum Hermann Reiter fra "Wiener Tonkunstler" sinfoniuhljomsveitinni og bað mig að spila með þeim i tveggja vikna tonleikaferð til Kina, 26. desember næstkomandi til 8. januar. Alles inklusive; 5 stjörnu hotel allan timann, 8 storir tonleikar og flottheit... Eg fekk halfgert sjokk. Gat ekki hugsað skyrt.. varð að.. varð að.. fa mer vatn og hringja, heim... en enginn svaraði. (kannski af þvi eg notaði gamla numerið hennar Brynju og mapa og Unnur voru a jolatonleikum þar sem Unnur for a kostum).. Svo eg hringdi i öðlinginn Dodda minn og ræddi við hann um stöðuna. Ætti eg að fara til Islands seint a 22. des og svo strax aftur ut a annan i jolum??? Gæti eg beðið hljomsveitina að borga fyrir Brynju mina? En eftir gott samtal við Dodda og skirari koll akvað eg að hafna þessu annars agæta tilboði.. Það kemur sko ekki til greina að skipta minum islensku jolum ut fyrir neitt. Hvorki Kina ne annað... ekkert nema kannski fyrir heimsfrið. Eg er buinn að vera undir allt of miklu alagi i tvo og halfan manuð og þarf a minu frii að halda. Doddi er goður við mig. Hann ætlar nefnilega að koma með luðurinn minn nyja heim um jolin. Hann er heppinn þvi eftir þrja daga leggur hann af stað fra Miami. Mestan hluta dagsins sat eg við utsetningu a jolalaginu minu sem verður tekið upp braðlega. Strengjakvartett og læti.</p>Kveðja, Helgi Hrafn [ bókamerkja færsluna | breyta ]
Skemmtiefni
Gott kveld, fekk a sama tima þennan post fra Brynju og Arna Heimi. Ansi hreint skemmtilegt bara og eg birti þetta herna. Þið getið svo koperað þetta og sent ykkar vinum eftir að þi fyllið ut ykkar svör. og svona er posturinn: Hér er það sem þú átt að gera: Breyttu öllum svörunum þannig að þau eigi við þig og sendu það svo til fullt af fólki sem þú þekkir ásamt manneskjunni sem sendi þér þennan póst. Kenningin er sú að þú munir komast að fullt af litlum staðreyndum um vini þína. Eyðið endilega dýrmætum tíma í að gera þetta! Góða skemmtun! 1. Hvernig býrð þú? I 120 fermetra glæsiibuð, við aðalgöngugötuna i Graz. Husið er 470 ara gamalt klaustur og þokkalega mikill andi yfir öllu. By með vini minum Burkarði Posinger. 2. Hvaða bók ertu að lesa núna? Alkemistinn, eftir Paulo Coelho. Afmælisgjöf fra ömmu Kæju. 3. Hvaða mynd er á músamottunni? Engin mynd, bara svart. 4. Uppáhalds spil? Kani 5. Uppáhalds tímarit? GQ 6. Uppáhalds ilmur? Sunnudagslærið hja ömmu Helgu 7. Uppáhalds hljóð? Eg ligg djupt grafinn inn i snjohus i islenskum vetrarstormi. Heyri ekki neitt. 8. Hræðilegasta tilfinning í heimi? Blöðruspeglun er liklegur kandidat. Aaaauuuiiiiii. 9. Hvað er það fyrsta sem þér kemur í hug, þegar þú vaknar á morgnana? AAAAAhhhh Eg a að vera mættur eftir 10 minutur. Þetta gerist annan hvern dag. 10. Rússíbani, hræðilegur eða spennandi? Hræðilega spennandi. 11. Hvað hringir síminn þinn oft áður en að þú svarar? tvisvar... 12. Hvað eiga ókomin börn þín að heita? Verð að raðfæra mig við mer æðri mattarvöld i þessum malum... :) 13. Uppáhalds matur? Jolarjupurnar. 14. Súkkulaði eða vanilla? Vanilla ef verið er að tala um is. 15. Finnst þér gaman að keyra hratt? Nei, mer finnst gaman þegar keyrt er hægt. 16. Sefur þú með tuskudýr? Nei, en eg keypti mer voða goðan kodda i sidustu viku. 17. Óveður, spennandi eða hræðilegt? spennandi. 18. Hver var fyrsti bíllinn þinn? Saabilac 900 argerð '83 sem pabbi keypti handa mer og Þori broður. Besti bill sem eg hef komið i. 19. Ef þú mættir hitta hvern sem er dáinn eða lifandi? Vin minn Sævar. 20. Áfengur drykkur? Gin og Tonik; engin spurning... þvi miður. 21. Í hvada stjörnumerki ertu? Þorskhausnum (isl), Rolla (kina) en sporðdreki annarsstaðar. 22. Borðar þú stönglana af brokkólí? Oja, brokkoli rules 23. Ef þú gætir unnið við hvað sem er, hvað væri það? Nakvæmlega það sem eg er að gera nuna; musik. 24. Ef þú mættir velja hárlit þinn hver væri hann. Dekkri. Þykkdökkbrunn. 25. Er glasið hálf tómt eða hálf fullt? halftomt. 26. Uppáhalds myndir? Ekki hugmynd 27. Uppáhalds búð? Kasper Harnisch (Graz) og Slippfelagið (isl) (þar sem eg kaupi listvörur. 28. Uppáhalds þættir? Ætli maður verði ekki að segja friends. Nei annars, Nick Knatterton þættirnir eru bestir. Man einhver eftir þeim?? 29. Notarðu fingrasetningu á lyklaborð? Ja, en afar personulega fingrasetningu. 30. Hvað er undir rúminu þínu? drasl 31. Hverju safnar þú? skeggi 32. Hvað myndir þú vilja finna upp? Eilifðarvel. Vel sem framleiddi meiri orku en hun þyrfti til að framleiða meiri orku en hun þyrfti til að.... 33. Uppáhalds talan þín? Attatiuogeinnoghalfur.. eða 25 34. Segðu eitthvað fallegt um þann sem sendi þér þetta! Brynja eg elska þig mest i heiminum og lifi fyrir 22. des. klukkan 2300.. og Arni Heimir, þu ert maðurinn. Gott að eiga þig fyrir vin. Rule on. 35. Hver er líklegastur til að svara þér þessum pósti? Þorir Mar (jakvæð hvatning virkar) 36.Hver er ólíklegastur til að svara þér þessum pósti? Tobbi... hehhehehe (þetta mun manipulera kauða til svara) [ bókamerkja færsluna | breyta ]
loksins færsla
Hallo allir, veit einhver hvernig maður a að fara að þvi að skrifa kommu yfir stafi. Eitthvað er bilað hja mer. Eg er með Windows XP stillt a islensku. En þegar eg vil skrifa kommustafi kemur bara þetta ´´o ´´i ´´u ´´e ´´y. Þegar ´´eg ´´yti ´´a kommutakkann (annar vinstri fra enter (return)) þa koma bara tvær kommur i staðinn. Hmmm. Þetta nefnilega virkaði bara agætlega þangað til fyrir svona 2 vikum. Endilega gefið mer goð rað a klifurmus@yahoo.com OK, eg hef ekki dritað inn orði a þessa siðu siðan eg veit ekki hvenær og eg vona að folk se ekki reitt við mig eða eitthvað þannig. Eg hef aldrei i lifinu haft svona mikið að gera eins og þessa siðustu manuði. Eiginlega bara allt of mikið; en það er ekkert við þvi að gera. Eg vil klara þetta haskolanam mitt sem fyrst. Margt er a döfinni. Eg er buinn að semja mitt fyrsta jolalag, sem verður tekið upp 17. desember með urvals liði. Eg syng og spila sma a luður lika. Uli Rennert, pianosnillingur verður með. Jörg a trommur, Chris a bassa, Bako accordeon og Klemens ætlar að koma heim degi fyrr fra Paris til að geta spilað með i strengjakvartettnum. Ja, þetta er alvöru poppuð produktion. Talndi um produktion, siðustu daga hefur verið liflegt herna i ibuðinni hja mer; eg hef nefnilega komið mer upp litlu studioi, eins og sumir vita; og nuna erum við Beefolkmenn að leggja lokahönd a nytt lag. Silvia. Þið getið bara beðið spennt. Þetta verður örugglega heimssmellur. :) I kvöld er eg að fara a frumsyningu a söngleiknum "Janis Joplin" i leikhusinu i Graz. Hlakka mikið til. Það rignir uti. A sunnudaginn fer eg svo til Vinar með fullt af krökkum að sja Meshell Ndegeochello syngja með bandi. Eg er aðdaandi hennar. Læt þetta nægja i bili. Helgi Hrafn [ bókamerkja færsluna | breyta ]
Allt í gangi
Halló allir, já það er meira en nóg að gera. Á sunnudagskvöld spilaði ég í tónleikaröðinni Groove Convention eftir langan æfingadag með Jazz BigBand Graz. Á mánudagskvöld voru síðan mínir fyrstu tónleikar með umræddu bandi. Það gekk mjög vel. Svo ef skólinn að gera útaf við mig. Ég fer út klukkan 9 á morgnana og kem einhvertíma heim, yfirleitt eftir 7. Og þá er maður algerlega búinn á því. Eins og núna. Áðan var ég næstum búinn að gubba af þreytu yfir Laginu Footprints í annars ágætri útgáfu af laginu, spilað af höfundinum, Wayne Shorter. Gat bara ekki meiri jazz. Í gær fór ég í fyrsta söngtímann minn; kennarinn heitir Fran (Mary) Lubahn og er Amerísk að uppruna en hefur sungið í óperunni hér og kennt við háskólann í 15 ár. Má ég kynna: HHJ, kontratenór. Yeah. Konan varð hvumsa þegar hún tjekkaði á tónsviðinu: g til h'' Nú ætla ég að leggja mig smá og reyna svo að slappa af í kvöld. Luv, Helgi Hrafn [ bókamerkja færsluna | breyta ]
Blóm í íbúð
Ég fór snemma á fætur, við Burky vorum sóttir um hálftíu til að fara í IKEA. yey. Bako og Kathi fóru með okkur og ýmislegt sniðugt var keypt: 2x blómapottar Eftir vel heppnaða IKEA ferð keyrðum við öll til Suður Steiermerkur í gæfuveðri (indælt hmmm) og fengum okkur gönguferð í ævintýralandinu sem kennt er við Weinstrasse eða Víngötuna. Þetta er vínræktarhérað sem er allt annað en flatt; bara hæðir og dalir og schönheit bis zum geht nicht mehr. Eftir skemmtilgöngu settumst við inn á Buschenschank (svo heita sveitaveitingastaðir hérna) og fengum okkur brettljausen (fullt af mat á bretti) og gott hvítvín með. Himnasæla. Restinni af deginum eyddi ég svo í æfingar og hélt áfram að mála mynd sem ég byrjaði á fyrir stuttu. Eftir síðbúinn kvöldmat fórum við Búrkarður Pósínger og spiluðum Póker við tvo vini hans, kunningja mína. Ég rústaði þeim. :) Á morgun vakna snemma, æfing með Jazz BigBand Graz allan daginn og spilerí um kvöldið. Lifið heil. [ bókamerkja færsluna | breyta ]
|